’’لائنز ڈین‘‘ سب سے نمایاں، مغربی کنارے میں کونسے فلسطینی گروپ لڑ رہے ہیں

فلسطینی مسلح گروپ "لائنز ڈین” مغربی کنارے کے پرانے شہر نابلس میں قائم ہے اور یہ اس علاقے میں سب سے نمایاں فلسطینی مسلح گروہوں میں سے ایک ہے اور اس کا تعلق کسی سیاسی دھڑے سے نہیں ہے۔ اس گروپ کو ختم کرنا اسرائیلی فوج کی بڑھتی ہوئی فوجی طاقت کی روشنی میں سب سے نمایاں اہداف بن گیا ہے۔

اس گروپ کی سرگرمی نابلس شہر خاص طور پر یاسمینہ کالونی کے علاقے پ مرکوز ہے۔ اس نے فروری 2022 میں نابلس بریگیڈز کے نام سے اپنی مسلح سرگرمیاں شروع کرنے کے بعد سے تھوڑے ہی عرصے میں درجنوں نوجوانوں کو اس وقت بھرتی کیا تھا جب اس وقت بٹالین کے ارکان کی تعداد دس سے زیادہ نہیں تھی۔

کمیشن کے مطابق لائنز ڈین کی نابلس بریگیڈز سے ’’ جنین بریگیڈز‘‘ بھی متاثر ہوئی۔ اس نے 2021 کے وسط میں جنین پناہ گزین کیمپ میں اپنا مسلح کام شروع کیا تھا۔ اس گروپ کی تصاویر اور ویڈیو کلپس سوشل میڈیا ویب سائٹس خاص طور پر ٹک ٹاک ایپلی کیشن پر پھیل گئیں۔ کئی ماہ بعد اس سے وابستہ درجنوں مسلح نقاب پوش نوجوان نابلس شہر کے اولڈ سٹی کی گلیوں کے اندر ایک فوجی پریڈ میں نکلے۔ اس صورت حال نے گزشتہ مہینوں کے دوران فلسطینی اتھارٹی اور اسرائیلی سکیورٹی سروسز دونوں کی تشویش میں اضافہ کردیا۔

واضح رہے مغربی کنارے میں صرف "لائنز ڈین” گروپ ہی نہیں ہے۔ بلکہ یہاں حماس تحریک کے عسکری ونگ القسام بریگیڈز، اسلامک جہاد موومنٹ کا عسکری ونگ القدس بریگیڈز، لبریشن فرنٹ اور الفتح تحریک کے دھڑے ہیں اور مشترکہ بریگیڈز بھی ہیں۔

تاہم لائنز ڈین واحد گروپ ہے جس کا تعلق کسی سیاسی دھڑے سے نہیں ہے۔ اس دھڑے کی کارروائیوں کو انجام دینے کے طریقے عام طور پر مختلف ہوتے ہیں۔ یہ گروپ گولہ باری، براہ راست حملہ، منصوبہ بند چھرا مار کارروائی، گاڑیوں پر حملہ اور دوہری گھات لگا کر حملے جیسی کارروائیاں کرتا ہے۔

خیال رہے مغربی کنارے پر اسرائیل نے 1967 سے قبضہ کر رکھا ہے۔ گزشتہ اکتوبر کوغزہ میں جنگ شروع ہونے کے بعد سے مغربی کنارے میں بھی کشیدگی بڑھ گئی ہے۔ سات اکتوبر کے بعد سے اب تک یہودی آباد کاروں اور اسرائیلی فوج نے مغربی کنارے میں 700 کے قریب فلسطینیوں کو قتل کردیا ہے۔