ایران جنگ میں ڈونلڈ ٹرمپ کے پاس ’اختیارات ختم‘ ہو چکے: امریکی ماہرِ
امریکی ماہرِ سیاسیات اور ہارورڈ یونیورسٹی کے پروفیسر اسٹیفن والٹ نے کہا ہے کہ صدر ڈونلڈ ٹرمپ کی غیر متوقع پالیسی ایران کے خلاف جنگ میں امریکا کی پوزیشن مضبوط کرنے کے بجائے اسے کمزور کر رہی ہے۔
اسٹیفن والٹ نے کہا ہے کہ ایرانیوں کے پاس ٹرمپ کی باتوں پر یقین کرنے کی کوئی خاص وجہ نہیں ہے جس کے باعث امریکا کی غیر یقینی حکمتِ عملی مؤثر ثابت نہیں ہو رہی، یہ جنگ ختم کرنے کے لیے ٹرمپ کے پاس کوئی واضح حل بھی موجود نہیں ہے۔
انہوں نے کہا ہے کہ ایران جنگ اس وقت ایسے تعطل کا شکار ہے جہاں دونوں فریق کشیدگی بڑھانا نہیں چاہتے اور ایک دوسرے کے دباؤ میں آنے کا انتظار کر رہے ہیں۔
اسٹیفن والٹ نے کہا ہے کہ ٹرمپ نے امریکا کو مضبوط بنانے کا وعدہ کیا تھا لیکن ان کی متعدد پالیسیاں ملک کو کمزور کر رہی ہیں۔
فلسطین اور اسرائیل کے معاملے پر بھی اسٹیفن والٹ نے کسی حقیقی سیاسی حل کے امکانات کو مسترد کرتے ہوئے کہا کہ امریکی سیاست کی دونوں بڑی جماعتیں اسرائیل پر دباؤ ڈالنے کے لیے تیار نہیں۔
ان کا کہنا ہے کہ اسرائیل میں ’گریٹر اسرائیل‘ کے تصور سے وابستگی اب بھی بہت مضبوط ہے۔
