جرم و سزا
کمسن کار ڈرائیور کی موٹرسائیکلوں کو ٹکر، ایک شخص جاں بحق، 5 زخمی
لاہور کے علاقے شاہدرہ ٹاؤن میں کمسن کار ڈرائیور کی موٹرسائیکلوں کو ٹکر کے نتیجے میں ایک شخص جاں بحق اور 5 افراد زخمی ہوگئے۔
پولیس حکام نے بتایا کہ افسوس ناک حادثہ شاہدرہ ٹاؤن میں پیش آیا، تیز رفتار کار ایک کمسن ڈرائیور چلا رہا تھا، جس نے 3 موٹرسائیکل سواروں کو ٹکر ماری۔
پولیس کے مطابق کمسن کار ڈرائیور کی شناخت 13 سالہ حاشر کے نام سے ہوئی ہے، جسے شہریوں نے پکڑ کر پولیس کے حوالے کیا ہے۔
پولیس کے مطابق زخمی شہریوں اور لاش کو ہسپتال منتقل کردیا گیا ہے، مزید قانونی کارروائی کی جارہی ہے، ضابطے کی کارروائی کے بعد مرنے والے شہری کی لاش کو ورثا کے حوالے کیا جائے گا۔
