پاکستان
عمران خان کی 24 نومبر کی ’فائنل کال‘: آج پورا دن کیا ہوتا رہا ؟
- پاکستان تحریک انصاف کی ’فائنل کال‘ کے لیے احتجاجی قافلہ وزیراعلیٰ خیبر پختونخوا علی امین گنڈاپور کی قیادت میں آج سہ پہر پشاور سے نکلا۔
- اس قافلے میں عمران خان کی اہلیہ بشریٰ بی بی بھی شامل ہیں۔ آخری اطلاعات آنے تک یہ قافلہ پنجاب کی حدود میں داخل ہو چکا ہے۔
- پشاور کے علاوہ ملک کے دیگر شہروں سے بھی پی ٹی آئی کارکنان اسلام آباد کے لیے نکلے ہیں۔
- تاہم اسلام آباد کے داخلی راستوں پر کئی مقامات پر مظاہرین اور پولیس کے مابین جھڑپوں کی اطلاعات ہیں۔ پولیس کا دعویٰ ہے کہ مظاہرین کی جانب سے پولیس پر شدید پتھراؤ کیا گیا ہے۔
- پی ٹی آئی کا دعویٰ ہے کہ پولیس مظاہرین کو منتشر کرنے کے لیے آنسو گیس کی شیلنگ کر رہی ہے اور پی ٹی آئی کارکنان پر لاٹھی چارج بھی کیا گیا ہے۔ تاہم بی بی اس کی تصدیق کرنے سے قاصر ہے۔
- اسلام آباد میں دفعہ 144 نافذ ہے اور پی ٹی آئی کے کارکنوں اور رہنماؤں کی گرفتاری کا سلسلہ بھی جاری ہے۔
- اسلام آباد پولیس کے مطابق مجموعی طور پر اب تک پی ٹی آئی کے 380 کارکنوں کو مختلف مقامات سے حراست لیا گیا ہے۔
- اسلام آباد کی انتظامیہ کے مطابق پی ٹی آئی کے احتجاج کے پیشِ نظر فیض آباد انٹرچینج پر رینجرز کو تعینات کر دیا گیا ہے۔
- اسلام آباد کی انتظامیہ کے مطابق شہر میں پی ٹی آئی کے احتجاج کے پیشِ نظر فیض آباد انٹرچینج پر رینجرز کو تعینات کر دیا گیا ہے۔
- وفاقی دارالحکومت کے تمام تعلیمی ادارے کل بند رکھنے کا اعلان کیا گیا ہے۔
- وفاقی وزیر داخلہ محسن نقوی کا کہنا ہے کہ اسلام آباد پولیس ڈی چوک کی نگرانی کر رہی ہے، اگر کوئی احتجاجی آئے گا تو اسے فوراً گرفتار کیا جائے گا۔
- سنیچر سے ہی اسلام آباد کے داخلی راستوں کو سیل کر دیا گیا تھا۔ موٹرویز کے علاوہ ٹرانسپورٹ اڈے بھی بند کیے گئے ہیں۔
- اسلام آباد کے باسیوں کو انٹرنیٹ اور سوشل میڈیا ایپس تک رسائی اور واٹس ایپ سے ڈاؤن لوڈ اپ لوڈ میں دشواری کا سامنا ہے۔
