چکوال کے مدرسے میں ریپ نیٹ ورک سکینڈل کا انکشاف

چکوال کے ایک مدرسے کے ایک 12 سالہ طالب علم کے ساتھ مدرسہ قاریوں نے زیادتی کی ہے تاہم اسکے ساتھ ہی کچھ سنسنی خیز تفصیلات جڑی ہیں۔

پولیس تفتیش میں یہ بات سامنے آئی ہے کہ یہ معاملہ۔کسی ایک کیس کا نہیں ہے۔ بلکہ یہ ایک گروپ معاملہ تھا۔ اور ایک کے بعد ایک بچے کو زیادتی کا نشانہ بنایا گیا اور انکے ہاتھوں پر چاقو سے انگریزی کے حرف Z کو کندہ کیا گیا تھا۔

بچوں نے یہ تفصیلات اپنے والدین کو بتائیں جس کے بعد مقامی پولیس نے ریپ کی دفعات کے تحت مقدمہ درج کیا اور پھر دو اساتذہ کو گرفتار کیا۔

ضلعی ہسپتال میں جامعہ المصطفیٰ نامی ایک مقامی مدرسے میں پڑھنے والے 15 بچوں کو طبی معائنے کے لیے لایا گیا جنھیں مبینہ طور پر ریپ اور جنسی استحصال کا نشانہ بنایا گیا تھا۔

چکوال پولیس کے مطابق ’واقعے کی تفتیش جاری ہے اور مدرسے کے پرنسپل اور ایڈمن انچارج گرفتار کر لیے گئے ہیں۔ تاہم اب تک اس مدرسے کو سیل نہیں کیا گیا ہے۔