پنجاب اسٹیڈیم میں منعقد ہونے والا چار روزہ سوئی ناردرن سالانہ سپورٹس گالا لاہور ڈسٹری بیوشن کی فتح کے ساتھ اختتام پذیر ہوگیا۔ اسپورٹس گالا میں اس سال 21 ٹیمز کے 336 کھلاڑیوں نے حصہ لیا۔
14 تا 17 نومبر کو منعقد ہونے والے سپورٹس گالا کےاختتامی میچز میں لاہور ڈسٹریبوشن کی ٹیم نے51 پوائنٹس کے ساتھ پہلی، فیصل آباد ڈسٹریبوشن کی ٹیم نے 44 پوائنٹس کے ساتھ دوسری اور مردان ڈسٹریبوشن کی ٹیم نے 41 پوائنٹس کے ساتھ تیسری پوزیشن حاصل کی۔ جبکہ فیصل آ باد ڈسٹریبیوشن کے اویس ایونٹ کے بہترین کھلاڑی قرار پائے ۔
سپورٹس گالا کے آ خری روز چیف فائنانشل آفیسر فیصل اقبال، سینئیر جنرل مینیجر (ڈسٹری بیوشن) قیصر مسعود، سینیئر جنرل مینیجر (پروجیکٹس) شہزاد لون، صدر سپورٹس سیل امتیاز محمود، نائب صدر محمد ارشد، جنرل سیکرٹری عمران صفدر ورک، فنانس سیکرٹری کنول وزیر، ممبر سپورٹس سیل آفتاب اشرف اور خالد محمود کے علاوہ سیکرٹری سی بی اے یونین شاہین اقبال مروت نے فاتح کھلاڑیوں میں شیلڈز اور انعامات تقسیم کیے ۔
