سپریم کورٹ میں اے سی گیس کے پلانٹ میں دھماکا، 4 افراد زخمی

سپریم کورٹ میں اے سی گیس کے پلانٹ میں دھماکے سے 4 افراد زخمی ہوگئے، دھماکے سے سپریم کورٹ کی عمارت لرز گئی۔

سپریم کورٹ آف پاکستان کی عمارت میں زور دار دھماکا ہوا ہے، جس کے نتیجے میں 4 افراد زخمی ہوگئے۔

دھماکا سپریم کورٹ کی بیسمنٹ میں واقع کینٹین میں اے سی گیس کے پلانٹ میں ہوا، دھماکے کے بعد وکلا اور سپریم کورٹ کے عملے کے افراد باہر نکل آئے۔

ذرائع کے مطابق اسٹاف کینٹین میں اے سی کی مرمت کا کام جاری تھا کہ اس دوران زور دار دھماکا ہوا، واقعے کی تحقیقات جاری ہے، حادثے میں زخمی ہونے والے چاروں افراد کو ہسپتال منتقل کردیا گیا ہے۔