جرم و سزا
لاہور: 13 سالہ بچی کا اغوا کے بعد گینگ ریپ کرنے والے 2 ملزم مبینہ مقابلے میں ہلاک
لاہور میں کرائم کنٹرول ڈیپارٹمنٹ (سی سی ڈی) سے فائرنگ کے مبینہ تبادلے کے دوران 13 سالہ بچی کا گینگ ریپ کرنے والے 2 ملزمان ہلاک ہو گئے ۔
کرائم کنٹرول ڈیپارٹمنٹ کے مطابق ملزمان نے 2 روز قبل مانگامنڈی سے لیڈی ڈاکٹر کی 13 سالہ بیٹی کو اغوا کر کے اجتماعی زیادتی کا نشانہ بنایا تھا۔
سی سی ڈی جب ملزمان کو گرفتار کرنے پہنچی تو انہوں نے اہلکاروں پر فائرنگ کر دی، جوابی کارروائی میں دونوں ملزمان ہلاک ہوگئے۔
فائرنگ کے تبادلے میں سب انسپکٹر شبیر شدید زخمی ہوگئے، جنہیں طبی امداد کے لیے اسپتال منتقل کر دیا گیا۔
