76 ممالک میں 21 ہزار 406 پاکستانی شہریوں کے قید ہونے کا انکشاف

وزارت سمندر پار پاکستانی نے انکشاف کیا ہے کہ 76 ممالک میں 21 ہزار 406 پاکستانی شہری قید ہیں۔

سینیٹ کی قائمہ کمیٹی برائے سمندر پار پاکستانی کا اجلاس سینیٹر ذیشان خانزادہ کی زیر صدارت ہوا جس میں وزارت سمندر پار پاکستانی کے حکام نے بتایا کہ 76ممالک میں 21 ہزار 406 پاکستانی شہری قید ہیں۔

اجلاس کو بریفنگ میں بتایا گیا کہ سعودی عرب میں سب سے زیادہ 10 ہزار 423 پاکستانی قید ہیں، اس کے بعد متحدہ عرب امارات میں 5 ہزار 297 پاکستانی قید ہیں۔

وزارت سمندر پاکستانی کے حکام نے مزید بتایا کہ ترکی میں ایک ہزار 437 جبکہ بھارت میں 738 پاکستانی قید ہیں۔

اجلاس کو بتایا گیا کہ بیرونی ممالک میں 14 پاکستانی سفارتخانوں سے تاحال ریکارڈ حاصل نہیں ہوسکا، جبکہ کئی پاکستانی شہری اس وقت جرمانہ ادا نہ کرنے کی وجہ سے جیل میں ہیں۔