ایرانی وزیر خارجہ ماسکو پہنچ گئے، روسی صدر سے ملاقات کریں گے

ایران کی جوہری تنصیاب پر امریکی حملوں کے بعد وزیر خارجہ عباس عراقچی مشاورت کے لیے ماسکو پہنچ گئے جہاں وہ روسی صدر ولادی میر پیوٹن سے ملاقات کریں گے۔

ایرانی میڈیا کے مطابق ایران کے وزیر خارجہ عباس عراقچی روس کے دارالحکومت ماسکو پہنچ گئے، جہاں وہ مشرق وسطیٰ کی صورتحال پر تبادلہ خیال کریں گے۔

ایران کے وزیر خارجہ عباس عراقچی ماسکو میں روسی صدر ولادی میر پیوٹن سمیت اعلیٰ حکام سے اہم ملاقات کریں گے جس پر ایران-اسرائیل جنگ پر مشاورت کی جائے گی۔

اس سے قبل، روس کی وزارتِ خارجہ نے امریکی حملوں کی شدید مذمت کرتے ہوئے انہیں ایک ’غیر ذمہ دارانہ فیصلہ‘ قرار دیا تھا۔