بین الاقوامیخبریں
حماس کے سربراہ اسماعیل ہنیہ کی پوتی اسرائیلی بمباری میں شہید
حماس کے سربراہ اسماعیل ہنیہ کی پوتی اسرائیلی بمباری میں شہید ہو گئیں۔
فلسطینی میڈیا کےمطابق روعاحمام میڈیکل کی طالبہ تھی۔ اسرائیل نے غزہ میں البراق اسکول پر بمباری کی جس کے نتیجے میں پناہ لیے پچاس فلسطینی شہید اور درجنوں زخمی ہو گئے۔
بزدل اسرائیل کو آئی سی یوکے مریضوں سے بھی خطرہ ہونے لگا۔ القدس اسپتال کے آئی سی یوپر بھی فائرنگ کر کے ایک مریض کو شہید کر دیا۔
خان یونس میں اسرائیلی ٹینکوں نے بچوں کے رنتیسی اسپتال کو گھیر لیا۔ مریضوں اور پناہ گزینوں کو اسپتال خالی کرنے کا حکم دیا گیا ہے۔
عورتیں اور بچے سفید جھنڈے اٹھائے باہر نکلنے لگےتو ان پر اسرائیلی فوجیوں نے فائرنگ کر دی۔ اسرائیل نے پینتیس روز کی بمباری میں گیارہ ہزار سے زائد فلسطینی شہید کر دی جن میں ساڑھے چار ہزار سے زائد بچے شامل ہیں۔
