کار نہر میں گرنے سے دلہا اور سالی جاں بحق, دلہن سمیت 3 خواتین کو بچا لیا

گجرات کے علاقے سرائے عالمگیر میں کارنہر میں گرنے سے دلہا اور سالی جاں بحق ہو گئے جبکہ دلہن سمیت 3 خواتین کو بچا لیا گیا۔

سرائے عالمگیر کے علاقے بولانی میں شادی کی خوشیوں والا گھر اس وقت ماتم میں بدل گیا جب دلہا راجا اسامہ ولیمے کی تقریب سے واپس گھر جا رہا تھا۔

دلہے کے ساتھ گاڑی میں اس کی سالی اور مزید 3 خواتین سوار تھیں کہ گاڑی سرائے عالمگیر کے قریب نہر میں جا گری جس کے نتیجے میں دلہا راجا اسامہ اور اس کی سالی مریم جاں بحق ہو گئے۔

ریسکیو 1122 نے موقع پر پہنچ کر دلہن سمیت 3 خواتین کو بچا کر باہر نکالا جبکہ دلہے اور سالی کی لاشوں کو اسپتال منتقل کر دیا۔