لبنان نے اسرائیل پر آج صبح سے 100راکٹ داغ دیے

عرب میڈیا کی رپورٹ کے مطابق العدیسہ میں اسرائیلی فوج اور حزب اللّٰہ میں جھڑپوں کے دوران اسرائیلی فوج کے 4 ہلاک جبکہ 20 زخمی ہو گئے۔

رپورٹ میں بتایا گیا ہے کہ اسرائیلی فوج کے جنگی ہیلی کاپٹر نے ہلاک اور زخمی فوجیوں کو لانےکے لیے ہنگامی آپریشن بھی کیا۔

اسرائیل کی بیروت پر 14 مرتبہ بم باری

رپورٹ کے مطابق اسرائیلی فوج نے آج صبح بیروت پر کم از کم 14 مرتبہ فضائی بم باری کی۔

فضائی بم باری بیروت کے جنوبی ٹاؤن کے علاقوں حریک، برج البراجنہ پر کی گئی۔

رپورٹ میں یہ بھی بتایا گیا ہے کہ اسرائیلی فوج کی بم باری سے قبل شہریوں کو ان علاقوں سے 500 میٹر دور رہنے کی ہدایت جاری کی گئی۔