شہید اسماعیل ہنیہ کے خون کا انتقام ضرور لیا جائے گا: میجر جنرل محمد باقری
میجر جنرل محمد باقری نے تہران میں اسماعیل ہنیہ کے قتل پر ردعمل ظاہر کرتے ہوئے صیہونیوں کے اس اقدام کا انتقام یقینی قرار دیا ہے۔
اسلامی جمہوریہ ایران کی مسلح افواج کے کمانڈر ان چیف میجر جنرل محمد باقری نے ایک انٹرویو میں کہا کہ ہم اور استقامتی محاذ مل کر جائزہ لے رہے ہيں کہ شہید ہنیہ کے خون کا انتقام کس طرح لیا جائے۔
مسلح افواج کے سربراہ نے زور دے کر کہا کہ شہید ہنیہ کے خون کا انتقام ضرور لیا جائے گا۔ میجر جنرل محمد باقری نے اس بات پر زور دیتے ہوئےکہ مختلف قسم کے اقدامات انجام دیئے جائيں گے کہا کہ صیہونیوں کو پچھتانا پڑے گا-
ایران کی فوج کے کمانڈر میجر جنرل سید عبدالرحیم موسوی نے بھی کہا ہے کہ صیہونی حکومت کو طمانچہ لگنا چاہئے تاکہ اس نے جو کیا ہے اس کی تلافی ہو سکے۔
سپاہ پاسداران انقلاب اسلامی کے کمانڈر میجرجنرل حسین سلامی نے بھی زور دے کر کہا ہے کہ اب تک صیہونیوں کا کوئی ایسا اقدام نہيں ہے جس کا ویسا ہی جواب نہ دیا گیا ہو۔
