’ہمارے پاس تمام آپشنز کھلے ہیں‘ طابا شہر پراسرائیلی حملے کے بعد مصر کا باضابطہ ردعمل
غزہ کی پٹی سے ملحقہ مصری شہر طابا میں جمعرات کی شب گرنے والے میزائل کے نتیجے میں 6 افراد کے زخمی ہونے کے بعد مصر کا پہلا سرکاری رد عمل سامنے آیا ہے۔
مصر کےایک خودمختار ذریعے نے جمعہ کو تصدیق کی کہ میزائل لانچ کرنے کی منزل کا تعین ہونے کے بعد اس سے نمٹنے کے لیے تمام آپشنز دستیاب ہیں۔
قاہرہ نیوز چینل کی رپورٹ کے مطابق انہوں نے اس بات پر بھی زور دیا کہ مصر جواب دینے کا حق محفوظ رکھتا ہے۔
یہ میزائل طابا ایمبولینس کی عمارت اور شہر کے مرکزی ہسپتال کی انتظامی رہائش گاہ پر لگا۔
اے ایف پی کے مطابق اسرائیلی فوج نے وضاحت کی کہ اسے بحیرہ احمر پر مصر کے ساتھ اپنی سرحد کے قریب آج صبح ایک سکیورٹی واقعے کا علم ہے۔
مصر کی سرحد سے ملحقہ غزہ کی پٹی میں اسرائیلی جنگی کارروائیوں کے آغاز کے بعد سے یہ اپنی نوعیت کا دوسرا واقعہ ہے۔
گذشتہ ہفتے مصر کی جانب سے رفح کراسنگ پر ایک امدادی قافلہ داخل ہونے کے فوراً بعد جنوبی غزہ میں اس مقام پر ایک دھماکہ ہوا۔
اسرائیلی فوج نے بعد میں اعلان کیا کہ اس کا ٹینک غلطی سے سرحد کے قریب ایک مصری پوزیشن سے ٹکرا گیا تھا۔ اس واقعے پر وہ مصر سے معذرت خواہ ہیں۔
صاروخ يسقط على مدينة #طابا المصرية.. و #الجيش_الإسرائيلي يعلق: "نحن على علم بالحادث"#مصر#الحدثpic.twitter.com/lIGXsSHPVc
— ا لـحـدث (@AlHadath) October 27, 2023
