بین الاقوامیخبریں

امریکا میں بیک وقت 158 گاڑیاں خوفناک حادثے کا شکار، متعدد ہلاکتیں

اکتوبر 24, 2023Last Updated: اکتوبر 24, 2023
0 100 ایک منٹ

جنوبی امریکی ریاست لوزیانا میں 158 گاڑیاں خوفناک حادثے کا شکار ہو گئیں جس کے نتیجے میں 7 افراد ہلاک ہو گئے۔

غیر ملکی میڈیا کی رپورٹس کے مطابق انٹر اسٹیٹ 55 ہائی وے پر بیک وقت یکے بعد دیگرے 158 گاڑیاں دھند کے باعث حادثے کا شکار ہوئیں۔

پولیس کی جانب سے سوشل میڈیا پر شیئر کی گئی تصویر میں ہائی وے کے دونوں ٹریک پر گاڑیوں کا ملبہ دیکھا جا سکتا ہے۔ حادثے کے فوراً بعد کچھ گاڑیوں میں آگ بھی بھڑکی۔

یہ بھی پڑھیں

ایک گاڑی دوسری سے ٹکرا کر ہائی وے سے اتر کر نیچے پانی میں بہہ گئی جس میں سوار شہریوں کی تلاش جاری ہے۔ حادثے کے بعد کم از کم 25 افراد کو زخمی حالت میں اسپتال لایا گیا۔

عین شاہد نے میڈیا کو بتایا کہ گاڑیوں میں تقریباً 30 منٹ تک تصادم جاری رہا، تاہم حادثے کی فوری طور پر وجہ معلوم نہ ہو سکی۔

پولیس نے بتایا کہ ہائی وے پر دھند کے باعث حد نگاہ متاثر ہونے کی وجہ سے حادثہ پیش آیا۔

ادھر گورنر جان بیل ایڈورڈز نے حادثے اور ہلاکتوں پر افسوس کا اظہار کرتے ہوئے شہریوں سے زخمی افراد کیلیے خون عطیہ کرنے کی اپیل کر دی۔ انہوں نے شہریوں کو ہدایت کی کہ وہ دھند میں سفر کے دوران خیال رکھیں۔

اکتوبر 24, 2023Last Updated: اکتوبر 24, 2023
0 100 ایک منٹ

جواب دیں

Back to top button