سابق وزیراعظم نواز شریف آج اسلام آباد ہائیکورٹ کے سامنے سرینڈر کریں گے جہاں منگل کے دن تک ن لیگ کے سربراہ کی حفاظتی ضمانت منظور کی گئی تھی۔
اسلام آباد ہائیکورٹ نے نیب کی جانب سے نواز شریف کو حفاظتی ضمانت دینے پر اعتراض نہ کیے جانے کے بعد حکم دیا تھا کہ 24 اکتوبر تک نواز شریف کو گرفتار نہ کیا جائے۔
نواز شریف کی نیب ریفرنس میں سزا کے خلاف اپیلیں بحال کرنے کی درخواستوں پر بھی آج سماعت ہو گی۔
اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب درخواستوں پر سماعت کریں گے۔
